Оркестар DIVA ќе ја изведе „Flowers Symphony“ на 17 август во Пациото на Завод и музеј во Битола и на 18 август во Долни Сарај во Охрид. Охридскиот концерт започнува во 21 часот.
Програмата спојува италијански канцони, оперски арии и филмска музика, меѓу која и дела од Енио Мориконе, Џон Вилијамс и Ханс Цимер. Во концертите ќе учествуваат повеќе од сто изведувачи.
Од канцоните до филмското платно
„Flowers Symphony“ расте со секое ново издание. По премиерата во Хераклеја минатото лето и концертот во Скопје со две враќања на бис, програмата сега ја проширивме со филмска музика. Мориконе, Вилијамс и Цимер се автори чии мелодии ги знаат и оние што никогаш не биле во концертна сала: тие ја обликуваа звучната слика на филмовите што ги гледавме и што ги паметиме.
Изборот на композиции ги поврзува концертната и филмската музика, со препознатливи мелодии што добиваат целосна изведба во живо. Италијанските канцони и оперските арии ѝ даваат на вечерта вокален сјај, а филмските теми ја носат широчината и драмата на големото платно.
Две вечери, два амбиента
За нас, двете изведби се можност истата музичка програма да ја споделиме во два различни летни амбиента. Пациото во Битола, каде што во 2013 година започна нашата обновена концертна приказна, и Долни Сарај во Охрид, сцена со долга фестивалска традиција, ќе бидат просторите во кои оркестарот и солистичките гласови повторно ќе се сретнат со публиката.
Солистите и хорот
Сопраните Јаворка Витанова, Виолета Арсовска и Зана Абази-Рамадани повторно се дел од „Flowers Symphony“, а специјални гостинки се Наде Талевска и Билјана Талевска. Во дел од програмата настапува и хорот „Гортинија“ од Гевгелија, под водство на Илија Атанасов. Со сите нив диригира Владимир Димовски. Билетите се во продажба на yournextevent.info, во Тобако Димпо во Битола и кај Аждер во Охрид.
Повеќе од сто изведувачи на сцената ветуваат вечери со голем звук и голема емоција. Ве покануваме на 17 август во Битола или на 18 август во Охрид, да го испратиме летото со музиката што ја сакаме.


